అంబులెన్స్‌లో ప్రసవం

కామరెడ్డి, సెప్టెంబర్‌ 27

నిజామాబాద్‌ న్యూస్‌ డాట్‌ ఇన్‌ : కామారెడ్డి జిల్లా రామారెడ్డి మండలం రెడ్డిపేట భట్టు తండాకు చెందిన సలావత్‌ విజయ పురిటి నొప్పులు రావడంతో రాత్రి 12 గంటలకు 108 అంబులెన్స్‌కు ఫోను చేయగా.. అంబులెన్స్‌ సిబ్బంది అక్కడికి చేరుకుని, తక్షణమే సలావత్‌ విజయ (28) ని ఆసుపత్రికి తరలిస్తుండగా పురిటి నొప్పులు అధికం అవడంతో, అంబులెన్స్‌లో సుఖ ప్రసవం చేశారు.

రెండవ కాన్పులో ఆడబిడ్డకు జన్మినిచ్చింది. తల్లి బిడ్డ క్షేమంగా ఉన్నారని, తదుపరి వైద్య సేవల నిమిత్తం ప్రభుత్వ ఆసుపత్రి, ప్రాథమిక ఆరోగ్య కేంద్రం రామారెడ్డిలో చేర్పించారు. 108 అంబులెన్సు సిబ్బంది ఈఎంటి నరేష్‌, పైలట్‌ అబ్దుల్‌ మెహిన్‌లను ఆమె భర్త రాజు, కుటుంబ సభ్యులు అభినందించారు.