Telangana Live Telangana Live News and Views 24X7
నారాయణఖేడ్‌, సెప్టెంబర్‌ 30
నిజామాబాద్‌ న్యూస్‌ డాట్‌ ఇన్‌ : గత వారం రోజుల నుండి కురుస్తున్న వర్షాలకు నారాయణఖేడ్‌ పట్టణంలో రోడ్లు, ఇండ్లు దెబ్బతిన్నాయి. నారాయణఖేడ్‌ ఎమ్మెల్యే భూపాల్‌ రెడ్డి మున్సిపల్‌ పరిధిలో విస్తృతంగా పర్యటించి ప్రజలకు ఇచ్చిన హామీని సత్వరమే అమలు చేశారు. ఎమ్మెల్యే ఆదేశానుసారం గురువారం పట్టణంలోని బైపాస్‌ రోడ్డు నుండి సేవాలాల్‌ చౌక్‌ వరకు దెబ్బతిన్న రోడ్డును ఖేడ్‌ మున్సిపల్‌ కమిషనర్‌ మల్ల రెడ్డి, చైర్మన్‌ రూబినా నజీబ్‌ ఆధ్వర్యంలో రోడ్డుపై ఏర్పడిన గుంతలను వెట్‌ మిక్స్‌ వేయించి డోజర్‌ సహాయంతో గుంతలను పూడ్చారు.
దీనితో పాటు పట్టణంలో వర్షాలకు దెబ్బతిన్న రోడ్లు, మురికి కాలువలు, కల్వర్టులను సత్వరమే నిర్మిస్తామన్నారు. కార్యక్రమంలో జిల్లా ఎస్సి, ఎస్ట్టి విజిలెన్స్‌ నాయకుడు రవీందర్‌ నాయక్‌, కో ఆప్షన్‌ సభ్యుడు లయిక్‌, నాయకులు శ్రీకాంత్‌, భూమయ్య, లక్ష్మణ్‌, శానిటరీ ఇన్స్‌పెక్టర్‌ శ్రీనివాస్‌ తదితరులు పాల్గొన్నారు.
