బాలుడి కిడ్నాప్‌….

నిజామాబాద్‌, అక్టోబర్‌ 8

నిజామాబాద్‌ న్యూస్‌ డాట్‌ ఇన్‌ : తల్లితో కలిసి షాపింగ్‌ మాల్‌కు వచ్చిన చిన్నారి కిడ్నాప్‌కు గురైంది. అప్పటి వరకు వారి కళ్ల ముందే ఆడుకున్న బాలిక క్షణాల్లో మాయం కావడంతో తల్లితోపాటు షాపింగ్‌ మాల్‌ సిబ్బంది షాక్‌కు గురయ్యారు. అంతా కలిసి వెతికినా పాప ఆచూకీ లభించకపోవడంతో పోలీసులకు ఫిర్యాదు చేశారు. శుక్రవారం సాయంత్రం సినీ ఫక్కీలో జరిగిన ఈ ఘటనకు సంబంధించిన వివరాలు ఇలా ఉన్నాయి.

నిజామాబాద్‌ నగరంలోని సౌత్‌ ఇండియా షాపింగ్‌ మాల్‌కు జగిత్యాల జిల్లా మెట్‌పల్లికి చెందిన నూరేన్‌ తన తల్లీ, మూడేళ్ల కూతురు అస్‌కియా హనీ (3) తో కలిసి కొత్తబట్టలు కొనుగోలు చేసేందుకు వచ్చారు. అమ్మమ్మ, తల్లి షాపింగ్‌ చేస్తుండగా చిన్నారి హనీ షాపింగ్‌ మాల్‌లో ఆడుకుంటుంది. అదే సమయంలో బురఖాలు ధరించిన ఇద్దరు మహిళలు వచ్చి చిన్నారిని అక్కడి నుంచి ఎత్తుకెళ్లారు. కొద్దిసేపటి తర్వాత గమనించిన తల్లి.. హనీ కనిపించకపోవడంతో షాపింగ్‌ మాల్‌ అంతా వెతికారు. కానీ పాప ఎక్కడా కనిపించకపోవడంతో 1వ టౌన్‌ పోలీస్‌ స్టేషన్‌లో ఫిర్యాదు చేశారు.