నేషనల్‌ యోగాసన ఛాంపియన్‌ షిప్‌కు లిఖితరెడ్డి

నిజామాబాద్‌, నవంబర్‌ 2

నిజామాబాద్‌ న్యూస్‌ డాట్‌ ఇన్‌ : నేషనల్‌ యోగాసన స్పోర్ట్స్‌ ఫెడరేషన్‌ నిర్వహించిన నేషనల్‌ యోగాసన ఛాంపియన్‌ షిప్‌లో తెలంగాణ నిజామాబాద్‌ జిల్లాకు చెందిన వి లిఖిత రెడ్డి నేషనల్‌ ఫైనల్స్‌కి ఎంపికయింది. నవంబర్‌ 11వ తేదీ నుండి 13 వరకు జరగబోయే ఫైనల్స్‌కి ఆమె వెళ్లాల్సి ఉంది. ఫైనల్స్‌ ఒరిస్సా రాజధాని భువనేశ్వర్‌లో జరగనున్నాయి.

ఒరిస్సా స్టేట్‌ గవర్నమెంట్‌ ప్రోగ్రాంని స్పాన్సర్‌ చేస్తుంది. ఈ సందర్భంగా జిల్లా కలెక్టర్‌ సి.నారాయణ రెడ్డి మంగళవారం కలెక్టరేట్‌లో లిఖితరెడ్డిని అభినందించారు. నిజామాబాద్‌ జిల్లా కీర్తిని జాతీయస్థాయిలో యోగాసన స్పోర్ట్స్‌లో తీసుకెళ్లినందుకు చాలా సంతోషంగా ఉందని, ఫైనల్స్‌లో కూడా గెలిచి మెడల్స్‌ని సాధించి నిజామాబాద్‌కి ప్రతిష్టను తీసుకురావాల్సిందిగా వారు శుభాశీస్సులు అందించారు.

కార్యక్రమంలో అదనపు కలెక్టర్‌ చంద్రశేఖర్‌, నేషనల్‌ యోగాసన స్పోర్ట్స్‌ అసోసియేషన్‌ సీనియర్‌ వైస్‌ ప్రెసిడెంట్‌ కృపాకర్‌, తెలంగాణ యోగాసన స్పోర్ట్స్‌ అసోసియేషన్‌ స్టేట్‌ జాయింట్‌ సెక్రెటరీ రామచంద్ర, అదేవిధంగా కోఆర్డినేటర్‌ రామ్‌ రెడ్డి, బాల శేఖర్‌ తదితరులు పాల్గొన్నారు.