అనాథ చిన్నారులకు బట్టల పంపిణీ

ఆర్మూర్‌, నవంబర్‌ 3

నిజామాబాద్‌ న్యూస్‌ డాట్‌ ఇన్‌ : ఆర్మూర్‌ మండలం మామిడిపల్లిలో తపస్వి తేజో నిలయంలో దీపావళి పండుగ సందర్భంగా లయన్స్‌ క్లబ్‌ జోన్‌ చైర్మన్‌ డి కే రాజేష్‌ – పద్మ కుటుంబ సభ్యులతో కలిస ిఅనాధ చిన్నారులకు ఉచితంగా బట్టల పంపిణీ చేశారు.

ఈ సందర్బంగా లయన్స్‌ క్లబ్‌ జోన్‌ చైర్మన్‌ డీకే రాజేష్‌ మాట్లాడుతూ రానున్న రోజుల్లో ఇలాంటి కార్యక్రమాలు చేపడతామని తెలిపారు. కార్యక్రమంలో డి కే కిషన్‌- లలిత, డి కే శ్రీహరి- శీతల్‌ పిల్లలు వివేక్‌, ఆదిత్య, సిద్ధార్థ, సాన్వి కలిసి 50 మంది అనాధ పిల్లలకు నూతన వస్త్రాలు అందజేశారు.

కార్యక్రమంలో లయన్స్‌ క్లబ్‌ రీజినల్‌ చైర్మన్‌ సుధీర్‌ బాబు, లయన్స్‌ క్లబ్‌ ఆఫ్‌ ఆర్మూర్‌ గ్రీన్‌ అధ్యక్షులు రామకృష్ణ, గటడి శ్రీనివాస్‌, బి.నిర్మల తపస్వి ఆర్గనైజింగ్‌ సెక్రటరీ నరేశ్‌ కుమార్‌ తపస్వి, కొఆర్డినెటర్‌ స్వరూప తపస్వి, ఆర్గనైజర్‌, సిబ్బంది పాల్గొన్నారు.