మానవ జీవితానికి సార్ధకత సేవా మార్గమే

కామారెడ్డి, నవంబర్‌ 9

నిజామాబాద్‌ న్యూస్‌ డాట్‌ ఇన్‌ : కామారెడ్డి జిల్లా కేంద్రానికి చెందిన రాజు (28) కి ఆపరేషన్‌ నిమిత్తమై హైదరాబాదులో గల నిజాం ఇన్స్టిట్యూట్‌ ఆఫ్‌ మెడికల్‌ సైన్సెస్‌ (నిమ్స్‌) లో ఓ పాజిటివ్‌ రక్తం అవసరం కావడంతో వారి బంధువులు కామారెడ్డి రక్తదాతల నిర్వాహకుడు బాలును సంప్రదించారు.

మేడ్చల్‌లో తెలంగాణ విద్యుత్‌ సంస్థలో ఆపరేటర్‌గా విధులు నిర్వహిస్తున్న దుంప పోషరాములు సహకారంతో ఓ పాజిటివ్‌ రక్తం అందజేసి ప్రాణాలను కాపాడడం జరిగిందన్నారు. మానవ జీవితానికి సార్ధకత సేవామార్గమే అని ఆపదలో ఉన్నవారికి సహాయం చేస్తే మానవ జీవితానికి సార్ధకత వస్తుందన్నారు. రక్తదానానికి ముందుకు వచ్చిన రక్తదాతను అభినందించారు. అత్యవసర పరిస్థితుల్లో ఎవరికైనా రక్తం అవసరమైతే 9492874006 నెంబర్‌ కి సంప్రదించాలన్నారు.