వసతి గృహాల చీఫ్‌ వార్డెన్‌గా డా. అబ్దుల్‌ ఖవి

డిచ్‌పల్లి, నవంబర్‌ 23

నిజామాబాద్‌ న్యూస్‌ డాట్‌ ఇన్‌ : తెలంగాణ విశ్వవిద్యాలములోని వసతి గృహాలకు చీఫ్‌ వార్డెన్‌ గా డా. అబ్దుల్‌ ఖవిని ఉపకులపతి ఆచార్య డి. రవీందర్‌ ఆదేశాలతో రిజిష్ట్రార్‌ ఆచార్య యాదగిరి నియమించారు. నియామక పత్రాన్ని ఉపకులపతి ఆచార్య డి.రవీందర్‌ అబ్దుల్‌ ఖవికి అందజేశారు.

గతంలో అబ్దుల్‌ ఖవి అసిస్టెంట్‌ పి.ఆర్‌.ఓ., హాస్టల్‌ చీఫ్‌ వార్డెన్‌ గాను, వార్డెన్‌, పరీక్షల విభాగంలో అడిషనల్‌ కంట్రోలర్‌గాను పని చేశారు. లండన్‌, ఇంగ్లాండ్‌లలో ఉర్దూ న్యూస్‌ పేపర్ల పైన రిసెర్చ్‌ చేయడం జరిగింది. ప్రస్తుతం వీరు పి.ఆర్‌.ఓ., స్పోర్ట్స్‌ ఇంచార్జి, యూత్‌ వెల్ఫేర్‌ ఆఫీసర్‌ గాను విధులు నిర్వహిస్తున్నారు.

అబ్దుల్‌ ఖవి మాట్లాడుతూ తన విధులను భాద్యత యుతంగా నిర్వర్తిస్తానని చెప్పారు. ఉపకులపతి ఆచార్య డి. రవీందర్‌ గుప్త, రిజిస్ట్రార్‌ ఆచార్య యదగిరిలకు ధన్యవాదాలు తెలిపారు.