మోతె శివారులో రోడ్డు ప్రమాదం, ఇద్దరు మృతి

వేల్పూర్‌, నవంబర్‌ 23

నిజామాబాద్‌ న్యూస్‌ డాట్‌ ఇన్‌ : మంగళవారం తెల్లవారుజామున మూడు గంటల సమయంలో భీమ్‌గల్‌ నుండి ఆర్మూర్‌కు వస్తుండగా వేల్పూర్‌ మండలం మోతే గ్రామ శివారులో రోడ్డు ప్రమాదం జరిగిందని స్థానికులు తెలిపారు. పోలీసులకు సమాచారం ఇవ్వడంతో సంఘటన స్థలానికి చేరుకుని పరిశీలించారు. పోలీసుల వివరాల ప్రకారం భీమ్‌గల్‌ మండలానికి చెందిన ముగ్గురు వ్యక్తులు కలిసి ఆర్మూర్‌ వస్తుండగా మార్గమధ్యలో తాటిచెట్టుకు ఢీ కొనడంతో ఇద్దరు వ్యక్తులు మృతి చెందినట్లు తెలిపారు.

మరొకరికి గాయాలు కావడంతో ఆసుపత్రికి తరలించినట్లు పేర్కొన్నారు. మృతి చెందిన ఇద్దరు వ్యక్తులను ఆర్మూర్‌ ప్రభుత్వ ఆసుపత్రికి పోస్టుమార్టం నిమిత్తం తరలించడం జరిగిందని కేసు నమోదు చేసుకుని దర్యాప్తు జరుపుతున్నామన్నారు.