Telangana Live Telangana Live News and Views 24X7
కామారెడ్డి, నవంబర్‌ 28
నిజామాబాద్‌ న్యూస్‌ డాట్‌ ఇన్‌ : రామారెడ్డి మండల కేంద్రంలోని ఇస్సన్నపల్లి గ్రామంలో వెలిసిన కాల భైరవ స్వామి జన్మదినం వేడుకలు ఘనంగా నిర్వహించారు. ఎంపి బిబి పాటిల్‌, ఎమ్మెల్యే సురేందర్‌ స్వామి వారి సేవలో రథ శోభయాత్ర నిర్వహించారు.
అగ్ని గుండాలలో పాల్గొన్న భక్తుల అగ్నిప్రవేశాన్ని తిలకించారు. అనంతరం స్వామి వారిని దర్శించుకున్నారు. ఎంపి బిబి పాటిల్‌, ఎమ్మెల్యే సురేందర్‌ మాట్లాడుతూ తెలంగాణ ప్రాంతం సుభిక్షంగా సస్యశ్యామలంగా సుఖశాంతులతో పాడి పంటలతో విరజిల్లాలని కోరుకున్నామని తెలిపారు.
కార్యక్రమంలో ఎంపిపి దశరథ రెడ్డి, మాజీ జడ్పీటీసీ రాజేశ్వర్‌ రావు, ఆలయం చైర్మన్‌ మాలతి, జిల్లా రైతు బందు డైరెక్టర్‌ రాజేందర్‌, వైస్‌ ఎంపీపీ రవీందర్‌ రావు, స్థానిక సర్పంచ్‌ బాలమణి లింబాద్రి, రామారెడ్డి ఎంపీటీసీ భాగ్యలక్ష్మి రాజేందర్‌, రెడీపేట ఎంపీటీసీ రాజ గౌడ్‌, ఉప్పల్‌వాయి మోషంపూర్‌, ఎంపీటీసీ ఉమాదేవి దత్తాద్రి, మోషంపూర్‌ సర్పంచ్‌ మంజుల కిషన్‌ గౌడ్‌, తెరాస మండలం అధ్యక్షులు రవీందర్‌ గౌడ్‌, మోషంపూర్‌ తెరాస అధ్యక్షులు సంతోష్‌ రెడ్డి తదితరులు పాల్గొన్నారు.
