యుజి సెమిస్టర్‌ ఫలితాల విడుదల

డిచ్‌పల్లి, డిసెంబర్‌ 21

నిజామాబాద్‌ న్యూస్‌ డాట్‌ ఇన్‌ : యుజి 3వ, 4వ సెమిస్టర్‌ ఫలితాలు విశ్వవిద్యాలయ ఉపకులపతి ఆచార్య డి.రవీందర్‌ గుప్త ఛాంబర్‌లో వారి చేతుల మీదుగా మంగళవారం విడుదల చేశారు. కాగా రిజిస్ట్రార్‌ ఆచార్య శివశంకర్‌, పరీక్షల నియంత్రణ అధికారిణి ఆచార్య అరుణ, డా. వెంకటేశ్వర్లు, అసిస్టెంట్‌ రిజిస్ట్రార్‌ సాయగౌడ్‌, తదితరులు కార్యక్రమంలో పాల్గొన్నారు.

3వ సెమిస్టర్‌లో 9 వేల 727 మంది పరీక్షలకు హాజరు కాగా ఇందులో 2 వేల 835 మంది విద్యార్థులు ఉత్తీర్ణులయ్యారని అధికారులు పేర్కొన్నారు. మిగితా 6 వేల 892 మంది విద్యార్థులు ప్రమోట్‌ అయ్యారన్నారు.

4వ సెమిస్టర్‌లో 9 వేల 64 మంది పరీక్షలకు హాజరు కాగా ఇందులో 3 వేల 135 మంది విద్యార్థులు ఉత్తీర్ణత సాధించారు. మిగితా 5 వేల 929 మంది విద్యార్థులు ప్రమోట్‌ అయ్యారని వివరించారు.

ఫలితాలు యూనివర్సిటీ వెబ్‌సైట్‌లో బుధవారం ఉదయం 10 గంటల నుండి అందుబాటులో ఉంచుతామన్నారు.