రైతు బాంధవునికి పాలాభిషేకం

కామారెడ్డి, డిసెంబర్‌ 29

నిజామాబాద్‌ న్యూస్‌ డాట్‌ ఇన్‌ : రామారెడ్డి మండల కేంద్రంలో బస్టాండ్‌ ఆవరణలో మండల ఎంపీపీ ధశరథ్‌ రెడ్డి ఆద్వర్యంలో రైతు బాంధవుడు సీఎం కేసీఆర్‌ చిత్ర పటానికి పాలాభిషేకం చేశారు. ఈ సందర్భంగా ఆయన మాట్లాడుతూ రైతన్నలకు వెన్నుదన్నుగా అండగా నిలుస్తున్న సీఎం కేసీఆర్‌కి అందరం రుణపడి ఉన్నామని అన్నారు.

రైతే రాజు అన్న నినాదం వమ్ము చేయకుండా రైతులకు పంట పెట్టుబడి కోసం రైతుబంధు రైతు ఖాతాలో జమ చేయడం వల్ల రైతులకు చేదోడుగా ఉంటుందని అన్నారు. రైతులకు రైతు బంధు విడుదల చేసిన సీఎం కేసీఆర్‌ ఘనత చాటారని అన్నారు. కార్యక్రమంలో మండల రైతు కన్వీనర్‌ నారాయణ రెడ్డి, వివిధ గ్రామాల సర్పంచ్‌లు, ఉపసర్పంచులు, వైస్‌ ఎంపీపీ రవీందర్‌ రావు, ఎంపీటీసీల ఫోరం అద్యక్షుడు గర్గుల్‌ రాజగౌడ్‌, టీఆర్‌ఎస్‌ నాయకులు, కార్యకర్తలు తదితరులు పాల్గొన్నారు.