బిఈడి సెమిస్టర్‌ ఫలితాలు విడుదల

డిచ్‌పల్లి, డిసెంబర్‌ 29

నిజామాబాద్‌ న్యూస్‌ డాట్‌ ఇన్‌ : తెలంగాణ విశ్వవిద్యాలయ పరిధిలోని బిఈడి ఫస్ట్‌ సెమిస్టర్‌ ఫలితాలను వర్సిటీ అధికారులు విడుదల చేశారు. మొత్తం విద్యార్థుల సంఖ్య 1302 కాగా 1003 మంది విద్యార్థులు పరీక్షలకు హాజరయ్యారన్నారు.

ఇందులో ప్రమోట్‌ అయిన వారు 299 మంది విద్యార్థులు. పర్సంటేజ్‌ 77.4 శాతం రాగా బీఈడీ ఫలితాలను తెలంగాణ విద్యాలయ ఉపకులపతి ఆచార్య డి. రవీందర్‌ గుప్తా విడుదల చేశారని తెలిపారు.

కార్యక్రమంలో పరీక్షల నియంత్రణ అధికారి ఆచార్య అరుణ, అడిషనల్‌ కంట్రోలర్‌ బి. సాయిలు, ఆచార్య కనకయ్య, డా. బాలకృష్ణ, సాయగౌడ్‌ పాల్గొన్నారు. సెమిస్టర్‌ ఫలితాల కోసం యూనివర్సిటీ వెబ్‌సైట్‌ సందర్శించాలన్నారు.