మిగిలిన సీట్లకు స్పెషల్‌ నోటిఫికేషన్‌

డిచ్‌పల్లి, ఫిబ్రవరి 8

నిజామాబాద్‌ న్యూస్‌ డాట్‌ ఇన్‌ : తెలంగాణ రాష్ట్రంలో వివిధ విశ్వవిద్యాలయాలలో 2021-22 విద్యాసంవత్సరంలో మిగిలిపోయిన పీజీ అడ్మిషన్స్‌లో మిగిలిన సీట్లకు సిపిజిఇటి – 2021 కన్వీనర్‌ స్పెషల్‌ ఫేస్‌ నోటిఫికేషన్‌ మంగళవారం విడుదల చేసినట్లు తెలంగాణ విశ్వవిద్యాలయ పీజీ అడ్మిషన్స్‌ డైరెక్టర్‌ డా. సంపత్‌ కుమార్‌ ఒక ప్రకటనలో తెలిపారు.

నోటిఫికేషన్‌ వివిధ విశ్వవిద్యాలయాలలోని ప్రధాన క్యాంపస్‌, పీజీ సెంటర్స్‌, విశ్వవిద్యాలయ పరిధిలోని పీజీ కళాశాలలో గల పీజీ కోర్సులలో చేరడానికి విడుదల చేయబడిరదని పేర్కొన్నారు. కాగా డిగ్రీ ప్రభుత్వ, ప్రైవేట్‌ కళాశాలలో నడుపుతున్న పీజీ కోర్సులకు నోటిఫికేషన్‌ వర్తించదని గుర్తు చేశారు. స్పెషల్‌ ఫేస్‌ నోటిఫికేషన్‌లో కొత్తగా అభ్యర్థులు ఈ నెల 9 నుంచి 11 వ తేదీ వరకు రిజిస్ట్రేషన్‌ చేసుకోవచ్చని అన్నారు.

అదే విధంగా ఇది వరకే రిజిస్టేషన్‌ చేసుకున్న వారు ఈ నెల 9 నుంచి 11 వరకు వెబ్‌ ఆప్షన్స్‌, కొత్తగా రిజిస్ట్రేషన్‌ చేసుకున్న వారు ఈ నెల 12 వ తేదీ వరకు వెబ్‌ ఆప్షన్స్‌ పెట్టుకోవచ్చని తెలిపారు. ఈ నెల 14 వ తేదీన సీట్ల కేటాయింపు జరుగుతుందని, ఈ నెల 15, 16 తేదీలలో సంబంధిత కళాశాలలో రిపోర్ట్‌ చేయవలసి ఉంటుందని పేర్కొన్నారు. పూర్తి వివరాల కోసం ఉస్మానియా విశ్వవిద్యాలయ వెబ్‌ సైట్‌ సంప్రదించాలని సూచించారు.