Telangana Live Telangana Live News and Views 24X7
డిచ్‌పల్లి, ఫిబ్రవరి 9
నిజామాబాద్‌ న్యూస్‌ డాట్‌ ఇన్‌ : తెలంగాణ విశ్వవిద్యాలయ ఉపకులపతి ఆచార్య డి. రవీందర్‌ ఇటీవల కల్నల్‌ బిక్కుమల్ల సంతోష్‌ బాబు సతీమణి సంతోషీని ఆత్మీయంగా కలిశారు. గాల్వాన్‌ వ్యాలీలో భారతదేశ సైనికాధికారిగా వీర మరణం పొందిన కల్నల్‌ సంతోష్‌ బాబుకు పరమ వీర్‌ చక్ర ప్రదానం చేసిన సందర్బంలో సతీమణి సంతోషిని శాలువా, జ్ఞాపికలతో కలిసి పరామర్శించారు.
కల్నల్‌ ధైర్య సాహసాలను, దేశ సేవలో అంకితభావాన్ని, దేశ మాత ఒడిలో ఒదిగిపోయిన తీరును గూర్చి గుర్తు చేసుకొని కల్నల్‌ సంతోష్‌ బాబుకు శ్రద్ధాంజలి ఘటించారు. వారి స్ఫూర్తి యావత్‌ భారత దేశానికి, తరతరాల భావి భారత పౌరులకు వెలుగునిస్తుందని ఆశాభావం వ్యక్తం చేశారు.
