టియులో అంతర్‌ డిగ్రీ, పీజీ కాలేజ్‌ క్రికెట్‌ టోర్నీ ….

డిచ్‌పల్లి, ఫిబ్రవరి 14

నిజామాబాద్‌ న్యూస్‌ డాట్‌ ఇన్‌ : ఈ నెల 17 వ తేదీన తెలంగాణ రాష్ట్ర ముఖ్యమంత్రి కెసిఆర్‌, నిజామాబాద్‌ రూరల్‌ ఎమ్మెల్యే, టిఎస్‌ ఆర్‌టిసి ఛైర్మన్‌ బాజిరెడ్డి గోవర్ధన్‌ జన్మదిన సందర్భంగా తెలంగాణ యూనివర్సిటీలో అంతర్‌ డిగ్రి మరియు పీజీ కళాశాలాల టెన్నిస్‌ బాల్‌ క్రికెట్‌ టోర్నీ నిర్వహిస్తున్నట్లు విద్యార్థి జేఏసి అధ్యక్షుడు యెండల ప్రదీప్‌, టిఆర్‌ఎస్‌వి జిల్లా కో ఆర్డినెటర్‌ శ్రీనివాస్‌ గౌడ్‌, రిసెర్చ్‌ స్కాలర్‌ ప్రధాన కార్యదర్శి పులి జైపాల్‌ తెలిపారు.

సోమవారం వరకు యూనివర్సిటీ పరిధిలోని డిగ్రీ, పీజీ కాలేజ్‌ల నుండి జట్టు పేరు నమోదు చేసుకోవాలని తెలిపారు. మొదటి బహుమతి ట్రోఫీ 15 వేల రూపాయలు, రెండవ బహుమతి ట్రోఫీతో పాటు 6666 రూపాయల నగదు అందచేస్తామన్నారు. టిఆర్‌ఎస్‌వి నాయకులు మధుకర్‌ రెడ్డి, రమేష్‌ తదితరులు పాల్గొన్నారు. మరిన్ని వివరాలకు ..9000003307, 9951836367, 9603072666 నెంబర్లలో సంప్రదించాలన్నారు.