Telangana Live Telangana Live News and Views 24X7
డిచ్‌పల్లి, ఫిబ్రవరి 16
నిజామాబాద్‌ న్యూస్‌ డాట్‌ ఇన్‌ : తెలంగాణ విశ్వవిద్యాలయంలోని అన్ని అనుబంధ డిగ్రీ కళాశాలలో గల సిబిసిఎస్‌ పాఠ్య ప్రణాళికకు అనుగుణమైన బి.ఎ., బి.కాం., బి.ఎస్సీ., బి.బి.ఎ. కోర్సులకు చెందిన ఐదవ, ఆరవ సెమిస్టర్స్‌ బ్యాక్‌ లాగ్‌ థియరీ పరీక్షా ఫలితాలను ఇటీవల విడుదల చేసిన విషయం తెలిసిందే.
కాగా పరీక్షలకు చెందిన జవాబు పత్రాలకు ఈ నెల 21 వ తేదీ వరకు రీవాల్యూయేషన్‌, రీకౌంటింగ్‌ ప్రక్రియ కొనసాగుతుందని పరీక్షల నియంత్రణాధికారి ఆచార్య ఎం. అరుణ షెడ్యూల్డ్‌ విడుదల చేశారు.
రీవాల్యూయేషన్‌కు పేపర్‌ ఒక్కింటికి చొప్పున 500 రూపాయలు, రీ కౌంటింగ్‌కు పేపర్‌ ఒక్కింటికి చొప్పున 300 రూపాయలు, అప్లికేషన్‌ ఫారంకు 25 రూపాయల చొప్పున చెల్లించాలని ఆమె పేర్కొన్నారు. కావున ఈ విషయాన్ని డిగ్రీ కళాశాలల ప్రధానాచార్యులు, విద్యార్థులు గమనించాలని కోరారు.
