సిసి రోడ్డు పనులు ప్రారంభం

నందిపేట్‌, ఫిబ్రవరి 28

నిజామాబాద్‌ న్యూస్‌ డాట్‌ ఇన్‌ : సోమవారం నందిపేట మండల కేంద్రంలో పట్టణ గ్రామ పంచాయతీ 11వ వార్డులో జడ్పీటీసీ నిధులతో సిసి రోడ్డు పనులను ప్రారంభించారు. జెడ్పిటిసి ఎర్రం యమునా ముత్యం సిసి రోడ్డు పనులను పూజ చేసి ప్రారంభించారు. ఈ సందర్భంగా మాట్లాడుతూ మండలానికి ఎమ్మెల్యే ఆశన్న గారి జీవన్‌ రెడ్డి ఆశీస్సులు ఎప్పుడూ ఉంటాయని, గ్రామపంచాయతీ కమిటీ సఖ్యత లేని కారణంగా అభివృద్ధి కుంటుపడిరదని, మండలంలోని పలు గ్రామాల అభివృద్ధి పనులలో ఎంతో ముందు ఉన్నట్టు మనం కూడా పోటీపడి అభివృద్ధి చేసుకోవాలని ఆశించారు.

ఎమ్మెల్యే ప్రోత్సాహం తీసుకొని మరిన్ని నిధులు వచ్చేటట్టు ప్రతి ఒక్కరూ సహకారం ఉండాలన్నారు. నూతనంగా ఎన్నికైన ఉప సర్పంచ్‌ భరత్‌, సర్పంచు వాణి తిరుపతి ఎంపీటీసీలు, వార్డు మెంబర్లు ప్రతి ఒక్కరూ రూ కలిసికట్టుగా ఎమ్మెల్యే సహకారంతో నిధులు మంజూరు చేసుకొని అభివృద్ధి చేయాలని కోరారు. కార్యక్రమంలో సర్పంచ్‌ సాంబార్‌ వాణి తిరుపతి, ఉప సర్పంచ్‌ కొత్తూర్‌ భరత్‌, మూడవ ఎంపిటిసి ఎర్రం నవనీత మురళి, వార్డు మెంబర్లు భూమేష్‌, గంధం సాయిలు, రఫిక్‌, దాబా గంగన్న, టిఆర్‌ఎస్‌ నాయకులు సలీం, మాజీ ఉప సర్పంచ్‌ ఎర్ర ముత్యం, మన్నె సాగర్‌, మేకల చిన్నయ్య, కాల నడిపి భోజన తదితరులు పాల్గొన్నారు.