డిగ్రీ పరీక్షల్లో ముగ్గురు డిబార్‌

డిచ్‌పల్లి, మార్చ్‌ 7

నిజామాబాద్‌ న్యూస్‌ డాట్‌ ఇన్‌ : తెలంగాణ విశ్వవిద్యాలయంలోని అన్ని అనుబంధ డిగ్రీ కళాశాలలో గల బి.ఎ., బి.కాం., బి.ఎస్సీ., బి.బి.ఎ. కోర్సులకు చెందిన మొదటి, మూడవ, ఐదవ సెమిస్టర్స్‌ రెగ్యూలర్‌ మరియు రెండవ, నాల్గవ, ఆరవ సెమిస్టర్‌ బ్యాక్‌ లాగ్‌ థియరీ పరీక్షలు సోమవారం కూడా ప్రశాంతంగా కొనసాగాయని పరీక్షల నియంత్రణాధికారి ఆచార్య ఎం. అరుణ ఒక ప్రకటనలో తెలిపారు.

ఉదయం జరిగిన రెండవ సెమిస్టర్‌ బ్యాక్‌ లాగ్‌ థీయరీ పరీక్షల్లో మొత్తం 3880 మంది విద్యార్థులు నమోదు చేసుకోగా 3715 మంది హాజరు, 165 గైర్హాజరు అయినట్లు ఆమె తెలిపారు. మధ్యాహ్నం జరిగిన మూడవ సెమిస్టర్‌ రెగ్యూలర్‌, నాల్గవ సెమిస్టర్‌ బ్యాక్‌ లాగ్‌ థియరీ పరీక్షల్లో మొత్తం 10297 మంది విద్యార్థులు నమోదు చేసుకోగా 9543 మంది హాజరు, 754 గైర్హాజరు అయినట్లు ఆమె తెలిపారు.

నిజామాబాద్‌లోని శ్రీ విశ్వశాంతి కళాశాలలో గల పరీక్షాకేంద్రంలో రెండవ సెమిస్టర్‌ బ్యాక్‌ లాగ్‌ థియరీ పరీక్షల్లో ఆర్గనైజేషన్‌ బిహేవియర్‌, ఫైనాన్షియల్‌ అకౌంట్‌, కెమిస్ట్రీ సబ్జెక్టుల్లో పాల్పడుతూ ముగ్గురు డిబార్‌ అయినట్లుగా ఆమె పేర్కొన్నారు.