తిమ్మాపూర్‌ వెంకటేశ్వర ఆలయాన్ని సందర్శించిన జిల్లా కలెక్టర్‌

బీర్కూర్‌, మార్చ్‌ 13

నిజామాబాద్‌ న్యూస్‌ డాట్‌ ఇన్‌ : బీర్కూర్‌ మండలం తిమ్మాపూర్‌ లోని వెంకటేశ్వర స్వామి ఆలయాన్ని ఆదివారం జిల్లా కలెక్టర్‌ జితేష్‌ వి పాటిల్‌ దంపతులు దర్శించుకొని ప్రత్యేక పూజలు చేశారు. అనంతరం నెమలి సాయిబాబా ఆలయాన్ని దర్శించారు. బాబాకు ప్రత్యేక అభిషేకాలు చేపట్టారు. ఆలయ కమిటీ ఆధ్వర్యంలో ఘన స్వాగతం పలికారు. ఈ సందర్భంగా ఆయనకు ఆలయ కమిటీ తరఫున సన్మానం చేశారు. కలెక్టర్‌ వెంట కుటుంబ సభ్యులు పాల్గొన్నారు.

బీర్కుర్‌ మండలం తిమ్మాపూర్‌ లోని వెంకటేశ్వర స్వామి ఆలయంలో ఆదివారం రాష్ట్ర శాసన సభా పతి పోచారం శ్రీనివాస్‌ రెడ్డి దంపతులు ప్రత్యేక పూజలు చేశారు. ఆలయ కమిటీ తరఫున వారికి ఘన స్వాగతం పలికారు. ఆలయ కమిటీ వారు ఆయనను ఘనంగా సన్మానించారు.